सुर्जी अंजनगाव येथील श्री देवनाथ मठाचे मठाधिपती परमपूज्य गोविंदनाथ महाराज यांच्या शुभहस्ते, गुरुवार, दिनांक ११ ऑगस्ट १९५५ रोजी भगवान श्री जिव्हेश्वरांच्या मूर्तीची प्राणप्रतिष्ठा संपन्न झाली.
स्वातंत्र्य लढ्याच्या काळात 07 ऑगस्ट 1905 रोजी स्वदेशी चळवळ सुरू करण्यात आली. या चळवळीमुळे स्वदेशी उद्योगांना विशेषतः हातमाग विणकरांना आधार दिला होता. या चळवळीचे स्मरण म्हणून दरवर्षी 7 आगस्ट हा दिवस राष्ट्रीय हातमाग दिन म्हणून साजरा करण्याचा निर्णय 2015 साली या देशाचे पंतप्रधान मा.श्री नरेंद्र मोदी सरकारने घेतला.
विणकरांसाठी केंद्र व राज्य सरकारने हाती घेतलेल्या अनेक उपक्रमांची माहिती देऊन त्यांच्यामध्ये जागृती निर्माण करणे हा या कार्यक्रमाचा उद्देश होता. देशातल्या हातमाग विणकर समुदाया प्रती सन्मान व्यक्त करणे, त्यांच्या कलेचा गौरव आणि देशाच्या सामाजिक ,आर्थिक विकासात या क्षेत्राने दिलेल्या योगदानाची यथोचित दखल घेण्याच्या उद्देशाने हा दिवस साजरा केला जातो.